Serie A u pezullua pafundësisht muajin e kaluar për shkak të përhapjes së koronavirusit, dhe FIGC deklaroi të premten se sezoni nuk do të rifillohej derisa shëndeti dhe siguria e të gjithëve në një farë mënyre të garantohej.
Italia ka qenë vendi më i goditur nga COVID-19 në Evropë, me afro 129,000 raste të konfirmuara dhe më shumë se 15.800 vdekje, megjithëse shifrat zyrtare gjatë ditëve të fundit kanë treguar që masat e rrepta të bllokimit kanë një efekt në përhapjen e virusit.
“Është një hipotezë”, i tha Gravina RAI kur u pyet nëse mundësia për të përfunduar kampionatin është shtatori ose tetori.
“Për momentin, një datë e mundshme për të rivendosur mund të jetë 17 maji, por dua të sqaroj se kjo është vetëm një hipotezë”.
“Përfundimi i sezonit do të ishte mënyra më e mirë jo vetëm që sezoni 2019/20 të mos komprometohet, por edhe të shmanget në ndonjë mënyrë komprometimi i sezonit 2020/21”, deklaroi ai.
