Anëtari i Mercedes, Hamilton, ka shprehur besimin se pikërisht me anulimin e garës së Melbourne, sistemi i Formula 1 ka pësuar goditjen më të madhe.
Piloti britanik thotë se nuk ka pritur që ajo garë të anulohej, pasi të gjithë kishin udhëtuar dhe gjithçka ndodhi në minutat e fundit.
“Mendoj se ishte vërtetë, vërtetë, një shok për sistemin”, ka thënë Hamilton, transmeton lajmi.net.
“Atë të enjte unë dhash opinionin tim nëse duhet ose jo të ishim aty, pastaj u zgjova me entuziazëm për të garuar, pastaj dëgjova se gara po anulohe. Ishte sureale”, shtoi anëtari i Mercedes.
Hamilton do të ndiqte këtë sezon titullin e kampionit numër shtatë, por sezoni i F1 akoma nuk ka startuar as garën e parë. Ekziston mundësia që gjithçka të anulohet. /Lajmi.net/
