Arsimi i Çegranit e ka marrë me shumë seriozitet inkuadrimin në Ligën e Dytë të futbollit në Maqedoninë e Veriut. Skuadra do të se debutojë në këtë rang garash dhe kryesia duket maksimalisht e karikuar për të ndërtuar ekip respektabil që do t’i përgjigjet me sukses nivelit që kërkon kjo kategori.
Serioziteti në ambicie duket edhe nga lëvizja e fundit e drejtuesve të Arsimit që i beson pankinën trajnerit Bujar Islami, ndërsa angazhon në skuadër plotë 4 futbollistë që kanë luajtur gjatë kohë te Renova.
Burim Sadiki, Saimir Fetai e portieri Vullnet Islami nga Renova kalojnë te Arsimi, ndërsa bashkë me to edhe një ish-futbollist tjetër i xhepçishtasve, Argjent Gafuri bashkohet me ekipin nga Çegrani. Ky i fundit vjen nga Voska Sport, ndërsa ka përvojë të madhe në elitën e futbollit vendor.
Mesfushori Sadiki e portieri Islami tashmë janë konfirmuar zyrtarisht nga tabori i Arsimit, ndërsa së shpejti pritet e njejta të ndodh edhe me Fetain e Gafurin. Vlen të sqarohet çështja e Saimir Fetait që vendosi të tërhiqej nga futbolli i luajtur pas fundit të sezonit të shkuar, për të zënë një vend në stafin teknik të Renovës. Mirëpo ngjarjet e fundit te kjo skuadër i kanë ndryshuar mendje dhe duket se ka vlerësuar se ka akoma për të dhënë si futbollist aktiv, kësaj rradhe te Arsimi i Çegranit.
