Skuadra kryeqytetase ka bërë të ditur se tetë futbollistët e testuar kanë rezultuar negativ në rezultatet e IKSHPK.
Tashmë është vënë seriozisht në dyshim ajo se çfarë ka ndodhur në Gjibraltar, pasi UEFA duket se po heton çdo pistë të mundshme, pasi edhe ekipit sllovak Slovan Bratislava i ndodhi e njëjta gjë.
Kujtojmë se ndeshja në kuadër të Ligës së Evropës, mes Lincoln Red Imps dhe Prishtinës është pezulluar dhe ende nuk ka asnjë vendim final.
Njoftimi i klubit të Prishtinës:
Dje skuadra ka ritestuar tetë futbollistët e dal pozitiv në Gjibraltar dhe sërish pas marrjes së mostrave nga IKSHPK, futbollistët kanë rezultuar negativ!
FC Prishtina ka dorëzuar tërë materialin e saj të provave me ndihmën edhe të avokatëve sportiv evropian.
Klubi është në pritje nga vendimi që do të marr Komisioni i Etikës dhe Disiplinës pranë UEFA-s.
Duhet theksuar se nuk është vetëm rasti i Prishtinës që po shqyrtohet, në situatë identike ndodhet edhe skuadra më e madhe sllovake, Slovan Bratislava pas dy herë anulimit të ndeshjes në Ishujt Faroe.
FC Prishtina vazhdon të besojë se çdo vendim i UEFA-s do të jetë i drejtë. /Lajmi.net/
