Jose Mourinho është në qendër të vëmendjes, pasi po lidhet me një rikthim te Real Madridi.
Klubi mbretëror nuk është i bindur nga Alvaro Arbeloa dhe pritet t’i ndajë rrugët pas përfundimit të sezonit.
Një nga emrat e përfolur për trajner të ri është edhe Jose Mourinho.
Portugezi është pyetur edhe nga mediat dhe asnjëherë nuk e ka fshehur dëshirën për t’u rikthyer.
”Special One” së fundi ka bërë një deklaratë interesante, ku thotë se është një nga të paktët trajnerë që është larguar nga Real Madridi pa u shkarkuar.
“Duhet të jem një nga të paktët trajnerë që është larguar nga Real Madridi pa u shkarkuar. Presidenti më tha para se të largohesha, tani vjen pjesa e mirë, tani vjen pjesa e lehtë. Pjesën e vështirë e ke bërë tashmë”, ka deklaruar Jose Mourinho.
