Përfaqësuesja e Maqedonisë do të presë Kazakistanin sonte në mbrëmje në Arenën Kombëtare Todor Proeski në Shkup, në një ndeshje që mund të jetë vendimtare për vazhdimin e serisë pozitive të rezultateve.
Një nga heronjtë e barazimit me Belgjikën, portieri Stole Dimitrievski, pret mbështetje të madhe nga tribunat dhe siguron se ekipi përfaqësues po mendon vetëm për fitoren.
“Qëllimi ynë është i qartë, të dalim në fushë dhe të fitojmë. Pres mbështetje të madhe nga tifozët, shpresoj që ata të jenë në numër sa më të madh në stadium për të na dhënë forcë shtesë. Sigurisht, ka një ndryshim midis Belgjikës dhe Kazakistanit, por kjo nuk do të thotë se do të jetë e lehtë. Me ndihmën e publikut, besoj se do të arrijmë një rezultat të favorshëm, dhe kjo, sigurisht, është një fitore për ne”, tha Dimitrievski para ndeshjes me Kazakistanin.
