Dy futbollistët me prejardhje nga Kosova, Granit Xhaka dhe Xherdan Shaqiri, dhanë kontribut goxha të madh në fitoren e Zvicrës prej 3:0 ndaj Andorrës.
Kapiteni zviceran asistoi por edhe realizoi në këtë ndeshje.
Xhaka pasimin e saktë e dha për Itten, i cili e hapi llogarinë në minutin e 49-të.
E vet realizoi në minutin e 84-të për 2:0.
Cakun e qëlloi edhe Xherdan Shaqiri.
Shaqiri realizoi nga pika e bardhë në minutin e 93-të, për 3:0.
Të dy ishin kritikuar shumë për paraqitjen e tyre kundër Kosovës, të shtunën e 9 shtatorit.
