Mario Balotelli, 33 vjeç, ka pasur një propozim interesant për t’u bashkuar me skuadrën italiane nga Salernitana. Megjithatë, drejtuesit e Adana Demirspor nuk kanë dashur as të dëgjojnë për propozimin, pasi e konsiderojnë sulmuesin si një element përcaktues për dinamikën aktuale të skuadrës.
Balotelli ka shënuar 3 gola në edicionin aktual të ligës turke, të realizuar në 5 ndeshje, por ai luan një rol thelbësor brenda skuadrës dhe shihet si shembull për anëtarët e tjerë. Sjellja e tij rebele është ende e gjallë, por ai nuk është më ‘terrori’ për kundërshtarët, shokët e skuadrës dhe trajnerët si dikur.
