Përballja miqësore ndërmjet Gjilanit dhe Kombëtares A të Koresë së Veriut, e cila ishte planifikuar të zhvillohej më 28 janar, është anuluar.
Sipas informacioneve, arsyeja e anulimit lidhet me ndryshimin e lokacionit të ndeshjes nga pala koreane, një vendim që nuk është pranuar nga klubi gjilanas.
Lajmin e ka konfirmuar drejtori gjeneral i Gjilanit, Syart Rrahmani, i cili ka bërë të ditur se ndeshja tashmë është e anuluar.
Pas këtij ndryshimi, Gjilani është në kërkim të një kundërshtari të ri për të zhvilluar një miqësore më 28 janar, duke vazhduar përgatitjet për pjesën e mbetur të sezonit.
