Phoenix Suns janë rikthyer te fitorja pas humbjes së fundmi ndaj Miami Heat.
Suns kanë arritur të mposhtin Toronton me rezultat të ngushtë 99-95.
Koshashënuesi më i mirë i ndeshjes ishte anëtari i Torontos, OG Anunoby i cili realizoi 25 pikë në 39 minuta të zhvilluara, i ndjekur nga bashkëlojtari tjetër Pascal Siakam me 22 pikë.
Tek Suns ndërkohë koshashënuesi më i mirë ishte Jae Crowder me 19 pikë të realizuara, i ndjekur nga bashkëlojtarët Deandre Ayton dhe Devin Booker me nga 16 pikë.
Suns vazhdojnë me një bilanc impresim prej 31 fitoreve e nëntë humbjeve në 40 ndeshje të zhvilluara.
Ndërkohë Golden State Warriors janë njoftuar me humbje nga Memphis Grizzlies me rezultat 116-108.
Kjo është disfata e tretë në katër ndeshjet e fundit për Warriors.
Koshashënuesi më i mirë i ndeshjes ishte Ja Morant i cili edhe këtë herë ishte i pandalshëm për Memphis me 29 pikë, tetë asistime e pesë kërcime.
Në anën tjetër, Stephen Curry arriti të realizojë ‘triple-double’ me 27 pikë, 10 kërcime e 10 asistime në 39 minuta të zhvilluara.
I rikthyeri nga lëndimi, Klay Thompson ishte koshashënuesi i dytë më i mirë i skuadrës me 14 pikë të realizuara në vetëm 20 minuta të luajtura.
Warriors vazhdojnë të ndjekin Suns në Konferencën Lindore, me një bilanc prej 30 fitoreve e 10 humbjeve në 40 ndeshje të zhvilluara. /Lajmi.net/
The post NBA: Suns rikthehen te fitorja, Warriors pësojnë humbje nga Memphis appeared first on Lajmi.net.
