Futbolli saudit vazhdon të rritet dhe të tërheqë talente nga e gjithë bota. Nga një ligë në fund të karrierës, në një tokë të re të premtuar për yjet e rinj.
Emrat e Joao Felix dhe Retegui, si dhe thashethemet për Antony ose Vinícius Jr., konfirmojnë një trend të vazhdueshëm në rritje. Por ishte mbërritja e Cristiano Ronaldos në fillim të vitit 2023 që ndryshoi vërtet perceptimin global të turneut.
CR7, i cili kohët e fundit rinovoi kontratën e tij me Al Nassr deri në vitin 2027, deklaroi: “Nëse vazhdojmë kështu, Liga Profesionale Saudite do të jetë ndër pesë ligat më të mira në botë.”
Një mendim që nuk ndahet tërësisht nga Riyad Mahrez, ish-lojtar i Manchester Cityt që tani luan te Al Ahli: “Pesë ligat e mëdha evropiane janë ende shumë përpara, por dhe ne nuk jemi aq larg.
Nuk duam të jemi më të mirët menjëherë; qëllimi është afatgjatë. Jemi pionierë, po hedhim themelet. Në dy sezone, kam parë përparim: te klubet, te trajnerët, te taktikat. Vullneti është aty dhe besoj se rezultatet do të vijnë.”
Algjeriani më pas e vlerësoi Cristiano Ronaldon: “Në moshën 40 vjeç, ai është ende mbresëlënës. Është i fortë, lëviz mirë, meriton respektin që merr. Të jesh si ai nuk është e lehtë.” Dhe ai rrëfeu një ëndërr: “Të luaja me Leo Messin do të ishte e jashtëzakonshme. Ai është një numër 10, unë jam në të djathtë… një ëndërr fëmijërie.”
