Riyad Mahrez, i cili firmosi të premten për Al Ahli, tani konsiderohet banor i Arabisë Saudite.
Pas nëntë vitesh radhazi në Premier League dhe pesë me Manchester City-n, fitues të tri titujve, sulmuesi 32-vjeçar algjerian ka nënshkruar kontratë me klubin saudit deri në verën e vitit 2027.
“Qytetarët” arritën marrëveshje me Al Ahlin, e cila u solli shumën prej 30 milionë eurosh. Mahrez me Cityn regjistroi 236 ndeshje, duke shënuar 78 gola dhe 59 asistime, ndërsa u largua nga “Etihad”, pasi festoi tripletën me klubin këtë vit.
