Sipas të gjitha gjasave, Vinicius JR , sulmuesi i Real Madridit do të duhet të jetë jashtë fushës për një kohë. Lojtari brazilian është dashur të kërkojë ndryshimin gjatë ndeshjes kundër Celta Vigos, në ndeshjen e javës së tretë të La Ligës.
Nuk dihet ende serioziteti i dëmtimit, i pësuar nga Vinicius JR. Real Madridi do ta ekzaminojë atë në më shumë teste të hënën, për të zbuluar shkallën e shqetësimit që po vuan në zonën e pasme të muskulit të djathtë.
Dëmtimi i sulmuesit të Real Madridit, nëse konfirmohet këtë të hënë, mund ta bëjë atë të humbasë disa ndeshje. Megjithatë, evolucioni i lëndimit do të shënojë disponueshmërinë e tij.
