Arturo Vidal, i cili u largua nga Flamengo në mesin e korrikut dhe pranoi të ulë pagën e tij me 80% për të luajtur më shumë se sa kishte bërë me Sampaolin, po jeton muajt e tij të fundit në Brazil me Athletico Paranaense. Kiliani, i cili ndihet mirë fizikisht, është në kërkim të mundësive të reja dhe hapjes në MLS. “Me kënaqësi do të shkoja të luaja me Messin. Me të është shumë e lehtë, thjesht duhet t’ia japësh topin,”- tha ai në një intervistë për TNT Argentina.
“Në Shtetet e Bashkuara ka disa rregulla që pengojnë lojtarët më të vjetër të shkojnë, prandaj nuk ka ndodhur. Do të isha i lumtur të luaja me Leon. Busquets, ai… ata luajnë përmendësh dhe tani Inter Miami luan si ata, plus që kanë edhe një trajner të mirë. Tani ka një rend në skuadër kur vjen puna për të luajtur. Më pëlqen shumë tani”, shtoi futbollisti 36-vjeçar.
Mesfushori, i cili luajti për Barcelonën midis 2018 dhe 2020, beson se lojtarët e skuadrës argjentinase, e përmirësojnë performancën e tyre me Messin afër dhe kjo ishte thelbësore për të fituar Botërorin e fundit: “Me Leon të gjithë rriten. Po, ata kanë talent, po nxjerrin lojtarë mbresëlënës. Ata kanë lojtarë në Chelsea, në Liverpool. Mendoj se kjo është shumë e rëndësishme për ekipin argjentinas.”
Për praninë e mundshme të idhullit argjentinas në Kupën e ardhshme të Amerikës, që do të zhvillohet në qershor 2024, ai siguroi se nuk do të habitej. “Unë e shoh Messin duke luajtur për një kohë të gjatë me ekipin argjentinas. Ai kënaqet dhe është i lumtur duke veshur fanelën e Argjentinës,” tha ai.
Arturo Vidal, i cili luajti për klube evropiane si Juventus, Bayern Munich, Bayern Leverkusen, Barcelona dhe Inter Milan midis 2007 dhe 2022, shpjegoi disa nga ndryshimet midis futbollit evropian dhe atij të Amerikës së Jugut.
“Në Evropë rregullojnë paratë, stadiumet gjithashtu, të gjitha janë të nivelit të lartë, nuk ka probleme me klimën dhe lartësinë. Dallimi është shumë i madh midis Evropës dhe Jugut. Amerika në nivel lojtarësh, është shumë e mirë. Evropa bëhet e fortë për shkak të amerikanëve të jugut. Evropianët, po vijnë këtu në Amerikën e Jugut, ata nuk mund të luanin. Nëse do të duhej të shkonin në Bolivi për të luajtur, në La Paz, do të zgjasin vetëm tre minuta në fushë”,- pohoi ai.
Për Vidalin, nga të gjitha kampionatet që ka luajtur, ai brazilian është më i komplikuari: “Më i vështiri. Në Argjentinë të gjitha ndeshjet janë shumë të bukura, të gjitha stadiumet janë plot, tifozët këndojnë deri në sekondën e fundit. Këtu në Brazil është shumë e vështirë për shkak të motit, sepse ndonjëherë luan në të ftohtë e me lagështinë që nuk mund të vraposh”.
