KF Vora, që garon në Kategorinë e Parë të futbollit shqiptar, ka siguruar shërbimet e sulmuesit shkupjan Emir Skenderi. Pas arritjes së marrëveshjes mes palëve, pritet që brenda dy ditëve të ardhshme gjithçka të zyrtarizohet me firmosjen e kontratës.
Skenderi, 24 vjeç, vjen nga Besa e Dobërdollit, ku ishte pjesë gjatë sezonit të fundit. Sulmuesi ka një karrierë të pasur në futbollin maqedonas, duke luajtur më parë me ekipe si Makedonija Gj.P., Kozhufi, Brera, Tikveshi, dhe Struga.
Me këtë transferim, KF Vora synon të përforcojë repartin ofensiv dhe të rrisë cilësinë e skuadrës për pjesën e mbetur të sezonit. Zyrtarizimi i Skenderit është një hap i rëndësishëm për klubin, i cili po synon objektiva të rëndësishëm në Kategorinë e Parë.
Tani mbetet të shihet ndikimi që do të ketë Skenderi në ekipin e ri dhe në futbollin shqiptar.
