City Football Group kanë blerë një skuadër të re, duke ia bashkangjitur Manchester City, New York, Mumbai dhe të tjerave. Bëhet fjalë për skuadrën nga liga e dytë e Belgjikës, Lommel SK.
Skuadrat belge kanë akademi mjaft të forta dhe City mund të përfitojë nga talentët atje. Lommel luan ndeshjet e saj si vendase në stadiumin me 8 mijë ulëse, Soeverein Stadium, në provincën Limburg.
Ata ishin në pozitën e gjashtë në ligën e dytë të Belgjikës, para se futbolli të suspendohej.
City Group Football ka në pronësi skuadrat e Man City, New York City, Melbourne City, Yokohama F. Marinos, Club Atletico Torque, Girona, Schuan Jiuniu dhe Mumbai City.
