Në një miqësore interesante dhe me shumë emocione, Besa e Dobërdollit triumfoi 4:2 kundër Arsimit, duke zhvilluar një test të rëndësishëm në prag të vazhdimit të sezonit.
Për Besën, shkëlqeu Shefit Shefiti, i cili në këtë merkato kaloi pikërisht nga Arsimi, duke realizuar dy gola kundër ish-skuadrës së tij. Mexhit Neziri, i saktë nga pika e bardhë, dhe Imran Fetai kontribuan gjithashtu me nga një gol, duke vulosur fitoren për Besën.
Nga ana tjetër, Arsimi arriti të gjejë rrjetën dy herë. Maliq Beluli, një tjetër lojtar që gjatë kësaj merkatoje ndërroi skuadër duke kaluar nga Besa te Arsimi, shënoi një gol. Ndërkohë, Ajredin Cuculi shtoi një tjetër gol për Arsimin, por nuk mjaftoi për të shmangur humbjen.
Kjo miqësore konfirmon përgatitjet serioze të të dy skuadrave për pjesën tjetër të sezonit dhe evidenton rolin e rëndësishëm të lojtarëve të rinj dhe transferimeve të fundit në dy kampet.
