Super Lakers, vetëm një fitore larg finales së madhe në NBA (VIDEO)

Lakers tregojnë fuqinë, vetëm një fitore larg finales së madhe në NBA

Los Angeles Lakers janë rikthyer te fitoret në NBA në finalen e Konferencës së Perëndimit.

Skuadra nga Kalifornia kanë triumfuar në ndeshjen e katërt ndaj Denver Nuggets me gjashtë pikë diferencë 114:108.

Me këtë triumf, Lakers kanë ngritur epërsinë në 3-1 ndaj Nuggets dhe i mjafton një fitore vetëm për të kaluar në finalen e madhe të NBA-së.

Anthony Davis dhe LeBron James ishin të pandalshëm ku së bashku realizuan 60 pikë.

Qendra e Lakers shënoi 34 pikë, pati pesë kërcime e tre asistime.

Në anën tjetër LeBron James e mbylli sfidën me 26 pikë, nëntë kërcime e tetë asistime për bashkëlojtarët e tij.

Me pikë dyshifrore te Lakers kontribuan edhe Caldwell-Pope, Dwight Howard, Rajon Rondo e Kyle Kuzma.

Te Denver më efikasi ishte fundori Jamal Murray me 32 pikë e tetë asistime, por që ishin të pamjaftueshme për fitore.

Ndeshja e radhës zhvillohet pas dy ditëve, ku fitorja eventuale e Lakers i dërgon ata në finalen e madhe të NBA-së.

Leave a Reply

Your email address will not be published. Required fields are marked *

Close