Në Spanjë, si në vendet tjera ka plane për të rikthyer futbollin në qershor, me 31 korrikun si afatin e fundit për ta përfunduar sezonin 2019/2020.
Ky plan, do të realizohet me masa shumë të rrepta, përveç stadiumeve të mbyllura, mund të kërkohet edhe nga lojtarët që të qëndrojnë të izoluar, dhe jo në familjet e tyre, shkaku i infektimit.
Një numër i madh i lojtarëve janë duke refuzuar këtë ide.
Qendërmbrojtësi i Cadiz, Rafael Jimenez, tashmë ka përjashtuar mundësinë që ai të luaj futboll në këtë kohë.
“Mund të më quajnë të çmendur, por unë nuk do të luaj. Jeta është më e rëndësishme se paraja”, ka deklaruar Jimenez.
Shumë lojtarë të tjerë, janë duke kërkuar që kampionati të rikthehet vetëm kur të gjithë janë të sigurt.
Spanja është në vendin e më të prekurve nga koronavirusi në Evropë./Lajmi.net/
