Raúl Jiménez dhe Issa Diop, janë dëshirat e Jose Mourinhos.
Jimenez po luan në mënyrë fantastike në fanellën e Wolves dhe përveç Tottenhamit, për kartonin e tij të interesuar janë edhe Manchester United dhe Real Madrid.
Lojtari vlerësohet rreth 40 milionë euro, shumë kjo që nuk do të paraqiste probleme për skuadrën nga Londra.
Dëshira tjetër e portugezit, është ylli i West Ham, Issa Diop. Mourinho është tifoz i madh i këtij lojtari, diçka të cilën e ka pranuar edhe publikisht.
Mbetet të shihet nëse gjatë afatit kalimtar të verës Tottenham do t’i finalizojë këto dy transferime, dhe nëse ato ndodhin, do të ishin një ndihmë e madhe për skuadrën e Mourinhos.
