Chelsea është gjobitur me 10.75 milionë funte dhe i është dhënë një ndalim transferimesh për një vit. Masat e ashpra janë për shkak të parregullsive financiare të kryera në të kaluarën.
Premier League ka nisur një hetim të madh mbi pagesat sekrete që Chelsea u bëri agjentëve të futbollit dhe individëve të tjerë. Këto transaksione të parregulluara ndodhën midis viteve 2011 dhe 2018, kur Blues ishin në pronësi të miliarderit rus Roman Abramovich.
Përveç gjobës së madhe financiare dhe ndalimit me kusht për transferimin e lojtarëve të rinj në ekipin e parë, klubi përballet edhe me kufizime shtesë. Chelseat i është dhënë një ndalim transferimesh nëntëmujore në akademinë e tyre, i cili hyn në fuqi menjëherë. Kjo lidhet me parregullsitë në regjistrimin e lojtarëve të rinj midis viteve 2019 dhe 2022.
Kjo nuk është hera e parë që klubi ka vuajtur sanksione financiare për shkak të veprimeve të menaxhmentit të mëparshëm. Në korrik 2023, Chelsea u gjobit me 8.64 milionë paund nga UEFA për pasqyra financiare të pa përfunduara për vitet 2018 dhe 2019./GazetaBlic Sport
