Ai duhej të ishte trashëgimtari i Cristiano Ronaldos dhe Lionel Messit, ai do të merrte gjithçka të dy gjigantëve, duke fituar edhe vlerësimet më të mëdha individuale. Por në moshën 31-vjeçare, Neymar ende nuk ka arritur të ngrejë “Topin e Artë” dhe ende po ndjek një Champions League, pas asaj të fituar me Barçën në 2015.
Aktualisht i dëmtuar, braziliani nuk do të jetë në gjendje ta ndihmojë ekipin e tij kundër Bayern Munichu, në ndeshjen e dytë të 1/16-tës së Champions League (humbja 1-0 në ndeshjen e parë). Para këtij takimi, ishte ish-bashkëlojtari i tij i Barcelonës, Luis Suarez, iu rikthye çështjes së tij dhe ka folur për të. Uruguajani zbuloi se lojtari nuk donte të bashkohej me Parisin në vitin 2017 dhe beson, se nëse do të kishte qëndruar në Spanjë, do të kishte fituar “Topin e Artë”.
“Para se Neymar Jr t’i bashkohej PSG-së, i thashë: Nëse dëshiron më shumë trofe të mëdhenj, qëndro me mua dhe Leon pak më shumë. Unë jam përgjegjës për fjalët e mia. Nëse Neymar do të kishte qëndruar te Barcelona, do ta kishte fituar “Topin e Artë”,- thotë ish-sulmuesi i Barcelonës.
“Ai na dëgjoi dhe tha po dua të qëndroj. Por siç e dini, me shoqërinë e tij, është e vështirë të menaxhohet. E këshilluam si miq të qëndronte, por familja vendosi të largohej. I thamë të shkonte në Angli, atje është City dhe atje ka futboll më të mirë, por jo në Francë. Neymar tha një vit më parë se Kupa e Botës në Katar do të ishte e fundit për të, por a do të jetë vërtet e fundit?
Ai do të jetë 34 vjeç herën tjetër, mendoj se mund të luajë edhe në Botërorin e ardhshëm. Nuk kam folur me të, por unë do të rekomandoja Brazilin që të përfitonte më të mirën prej tij. Shikoni çfarë bëri Messi në Kupën e Botës në moshën 35-vjeçare. Ai u përpoq dhe mori atë që donte. Nëse Brazili dëshiron të jetë kampion bote në edicionin e ardhshëm, duhet të bëjë atë që bëri Argjentina me Messin. Të vrapojë dhe të punësosh dhjetë lojtarë për Neymar,”- dha Luis Suarez, për ish-bashkëlojtarin e tij brazilian, kur luani së bashku me Barcelonën.
