Nga ora 14:00 në stadiumin e Çairit, Shkupi dhe Struga do të përballen për herë të parë në këtë sezon në ndeshjen e vlefshme për xhiron e 9-të në elitën e futbollit vendor.
Lajm i rëndësishëm për kampionët në fuqi për këtë ndeshje është rikthimi i Besmir Bojkut, i cili mungoi në dy ndeshjet paraprake për shkak kartonit të kuq që mori në ndeshjen kundër Bregallnicës.
Ndërkohë trajneri i Strugës, Shpëtim Duro nuk do të ketë mungesa për këtë sfidë dhe të gjithë futbollistët do ti ketë në dispozicion për lojë.
