Klubi turk Umraniyespor (D2) njoftoi të enjten në rrjetin social X ardhjen në krye të ish-futbollistit francez, Nicolas Anelka, me këtë mesazh: “Mirë se erdhe, profesor!”.
Pas një karriere të gjatë që e pa atë të veshi fanelat e PSG, Arsenal, Real Madrid, Liverpool, Manchester City, Fenerbahçe, Bolton, Chelsea, Shangai, Juventus, West Bromwich dhe më në fund nga Mumbai City në Indi, Nicolas Anelka kishte bërë disa poste, si ndihmës trajner.
E fundit në Lille ku u kujdes për të rinjtë në stërvitje për disa muaj. Në shkurt 2021, ai ishte, për tre muaj, drejtor sportiv i Hyères, një klub që luan në National 2 dhe në pronësi të Mourad Boudjellal.
Në të vërtetë, ish-sulmuesi francez u emërua zyrtarisht president i një klubi në Turqi, përkatësisht Ümraniyespor që luan në divizionin e dytë turk (vendi i 12-të nga 18 klube). Nicolas Anelka e njeh mirë Turqinë, pasi ka luajtur për Fenerbahçen për një vit e gjysmë, ku shënoi 16 gola në 57 ndeshje midis janarit 2015 dhe verës së 2016.
