Trajneri i Paris Saint-Germain, Luis Enrique, i cili këtë të mërkurë do të përballet me ish-skuadrën e tij, Barcelona-n në çerekfinalet e Champions League, tha për mediet në prag të këtij takimi se ndjen një dobësi për “blaugranat”, por shtoi se profesioni vjen i pari.
“Unë kam një marrëdhënie dashurie me Barçën, por profesioni është i pari. Unë me të vërtetë dua të jem në lartësinë e sfidës”-tha spanjolli.
I pyetur se kush e përfaqëson më mirë stilin e Barçës, ai apo Xavi, tekniku i PSG-së theksoi se ai vetë është mbi të gjithë: “Unë jam përfaqësuesi më i madh i stilit të Barçës”.
Ndërsa sa i përket fitores së Champions League, Luis Enrique shtoi se mundet ta arrijnë, por shtoi se rruga është ende e gjatë.
“Idetë e mia dhe të klubit shkojnë në të njëjtin drejtim. Mund ta fitojmë, por rruga është ende shumë e gjatë. Jam ambicioz dhe i emocionuar”-deklaroi trajneri i PSG-së.
