Dje reprezentuesi i Maqedonisë së Veriut, Enis Bardhi zyrtarisht iu bashkua kampionëve të Turqisë, Trabzonsporin. Në këtë mënyrë rritet numri i futbollistëve nga Maqedonia e Veriut që luajnë në Superligën turke. Kujtojmë që para disa javëve Ezgjan Alioski u transferua te Fenerbahçe, ndërsa prej më herët pjesë e Superligës turke janë edhe Besir Guxhufi, Luka Stankovski dhe Kosta Manev.
Për këtë shkak Superliga turke do të ndiqet me vëmendje të veçantë nga Federata e Futbollit të Maqedonisë, ndërsa kjo e fundit nëpërmjet rrjetit social facebook i ka dërguar një porosi Trabzonsporit.
Nga FFM kanë pyetur: Trabzon a jeni të gatshëm për Bardhin?
