Tenisti zviceran, Roger Federer që konsiderohet ndër më të mirët në këtë sport, ka thënë se ka ardhur koha për t’u bashkuar tenisi i burrave dhe grave.
“Vetëm pyes veten… a jam unë i vetmi që mendoj se tani është koha që tenisi i burrave dhe grave të bashkohen dhe të bashkohemi si një?”, ka shkruar Federer, përcjell lajmi.net.
Ai shtoi se këtë nuk po e mendon si plan për zgjidhjen e krizës, por se parashikonte një shkrirje të përhershme të organizatave që përfaqësojnë këtë sport.
