Sot luhen dy ndeshjet e fundit e raundit të 8-të të Ligës së Parë të Futbollit të Maqedonisë.
Bashkimi pret Vardarin në fushën e tyre, në një duel që konsiderohet si një ndeshje me rrezik të lartë. Klubi siguron se mysafirët do të kenë të njëjtën pritje si të gjitha ekipet e tjera që luajtën në stadiumin e Kumanovës.
Marko Simonovski beson se fusha vendase dhe mbështetja nga publiku do të jenë një motiv shtesë për të arritur një rezultat pozitiv kundër Vardarit.
“Mbi të gjitha, shpresoj për një ndeshje të mirë dhe cilësore. Po luajmë në fushën tonë, gjë që do të na japë motiv shtesë për një rezultat pozitiv para publikut tonë”, tha Simonovski.
Ai beson se skuadra e Bashkimit ka cilësi të mjaftueshme për t’iu kundërvënë kundërshtarit të favorizuar.
“Ne treguam se kemi cilësinë për të qenë në pjesën e sipërme të tabelës, me lojtarë të rinj që janë të etur për sukses. Vardari është një ekip i mirë me individë cilësorë, dhe kjo është vetëm një motivim shtesë për ne”, shtoi sulmuesi i Bashkimit.
Ndeshja Bashkimi – Vardar do të luhet në stadiumin e Kumanovës, duke filluar nga ora 15:00.
