Askush nuk mund ta thotë saktësisht se kur do të jemi në gjendje të jetojmë sërish lirshëm dhe pa asnjë pengesë.
Disa liga, siç është Bundesliga, kanë njoftuar vazhdimin e sezonit në maj. Pas këtij informacioni erdhen lajme edhe më të mira nga Ministria e Shëndetësisë në Danimarkë.
Në bashkëpunim me federatën lokale të futbollit, ata kryen një studim mbi rrezikun e transmetimit të COVID-19 në fushë gjatë ndeshjeve, nëse një lojtar është i infektuar me virusin.
Rezultatet janë inkurajuese. Më pak fjalë, lojtarët do të ishin afër lojtarit të infektuar për një mesatare prej një minute gjatë ndeshjes. Ky rezultat u mor pas një analize të lëvizjeve të lojtarëve në 14 xhirot e fundit të kampionatit danez.
“Kjo kohë nuk është kritike, veçanërisht duke marrë parasysh që ndeshjet e futbollit luhen jashtë. Do të ishte shqetësuese për rugby dhe futbollin amerikan, ku ka shumë kontakte në fushë”, ka deklaruar Alan Thomsen, profesor në Institutin e Imunologjisë dhe Mikrobiologjisë në Kopenhagë, përcjell lajmi.net.
Sipas tij, rreziku i infeksionit është i vogël, kështu që në fund të majit mund të presim vazhdimin e sezoneve./Lajmi.net/
