Skuadrat e Bundesligës janë rikthyer në stërvitje prej ditësh, me shpresën që shumë shpejtë do të rifillojë sezoni, duke pritur që kancelaria Angela Merkel të jep dritën e gjelbër për këtë veprim.
9 maji ka qenë si një datë e mundshme për rikthimin e Bundesligës, por kjo shpresë mund të prishet, me rastet e koronavirusit që kanë shënuar rritje në Gjermani.
Mediet e huaja raportojnë se një bllokim i dytë duket i pashmangshëm në Gjermani.
Zyrtarët qeveritarë do të takohen ditën e enjte për të vendosur për hapat e ardhshëm në luftën kundër koronavirusit, me klubet që mbajnë frymën e tyre me shpresën për të marrë bekimin për të rifilluar sezonin.
