Besart Ibraimi vazhdon të marrë vlerësime për kontributin e tij historik te KF Shkëndija dhe në futbollin elitar të Maqedonisë. Golashënuesi më i mirë në historinë e klubit dhe kampionatit, me mbi 150 gola në fanellën kuqezi, vlerësohet nga tifozët gjithandej në Tetovë.
Së fundmi, një tifoz i dhuroi një pako simbolike me fotografinë e tij dhe fanellën me numrin 150, duke shprehur mirënjohje për gjithçka që Ibraimi ka bërë për klubin dhe tifozët. Një gjest i bukur që tregon dashurinë dhe respektin e qytetit për legjendën kuqezi!