Hugo Sanchez ishte golashënuesi më i mirë i La Ligas për katër vite më radhë në vitet e 80-ta, dhe më pas serinë e tij e ndali Balthazar i Atleticos.
Por, në sezonin e ardhshëm Sanchez erdhi me një përgjigje të jashtëzakonshme.
Sulmuesi meksikan shënoi 38 gola në fanellën e Realit në atë sezon, dhe atë e bëri duke shkruar historinë, me të gjitha golat e shënuara me nga një prekje.
Ai shënoi gola me të djathtën, me të majtën, me kokë, nga gjuajtjet e lira, të gjitha me prekjen e parë.
Rekordi i Sanchez prej 38 golave në sezon, u thye nga Cristiano Ronaldo në sezonin 2010/2011, që shënoi 40 herë.